The Burning Bush -Traditional Jewish music Klezmer, Yiddish and Sephardi songs, Hassidic and Oriental melodies https://lucieskeaping.co.uk/the-burning-bush Lucie Skeaping vocals; Ben Harlan clarinet; Roddy Skeaping violin; Jon Banks accordion, quanun, santur; Robin Jeffrey oud, guitar, drums; Rob Levy bass שנת ההקלטה 1991 קישור לדף השיר בזמרשת https://www.zemereshet.co.il/m/song.asp?id=990 מילים ולחן מרק ורשבסקי העכער, בעסער, די ראָד, די ראָד מאַכט גרעסער! גרױס האָט מיך גאָט געמאַכט, גליק האָט ער מיר געבראַכט, הוליעט, קינדער אַ גאַנצע נאַכט, – די מיזינקע אױסגעגעבן! שלאָגט, קלעזמער, אין די טאַצן – װער װעט אַצינד מיך שאַצן? אױ-אױ, גאָט איז גרױס, ער האָט דאָך געבענטשט מײַן הױז, די מיזינקע גיב איך אױס – די מיזינקע אױסגעגעבן! שטאַרקער, פֿרײלעך! דו די מלכּה, איך – דער מלך! אױ-אױ, איך אַלײן האָב מיט מײַנע אױגן געזען, װי גאָט האָט מיך מצליח געװען – די מיזינקע אױסגעגעבן! דער טרײַער פֿעטער יאָסיע, און די גוטע מומע סאָסיע, האָבן מיר צום חתן-מאָל טײַערע װײַנען אָן אַ צאָל מיר געשיקט פֿון ארץ-ישׂראל – די מיזינקע אױסגעגעבן! מאָטל, שמעון! די אָרעמע-לײַט זײַנען געקומען! שטעלט זײ דעם שענסטן טיש, טײַערע װײַנען, טײַערע פֿיש! אױ-װײ, טאָכטער גיב מיר אַ קיש – די מיזינקע אױסגעגעבן! אײַזיק מזיק – די באָבע גײט אַ קאָזאַק! קײן עין-הרע, זעט נאָר, זעט, װי זי טופּעט, װי זי גײט, אױ, אַ שׂמחה, אױ, אַ פֿרײד – די מיזינקע אױסגעגעבן! איציק שפּיציק – װאָס שװײַגסטו מיט דעם שמיציק? אױף די קלעזמער טו אַ געשרײ! צי שפּילן זײ, צי שלאָפֿן זײ? רײַסט די סטרונעס אַלע אױף צװײ – די מיזינקע אױסגעגעבן!